Qazaqstan Respýblıkasy Investısııalar jáne damý mınıstrliginiń buıryǵy  №398

  2015 jylǵy 31 naýryz, Astana qalasy Jer qoınaýyna memlekettik monıtorıngti júzege asyrý qaǵıdalaryn bekitý týraly «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasynyń Zańy 19-babynyń 9) tarmaqshasyna sáıkes buıyramyn: 1. Qosa berilip otyrǵan Jer qoınaýyna memlekettik monıtorıngti júzege asyrý qaǵıdalary bekitilsin. 2. Qazaqstan Respýblıkasy Investısııalar jáne damý mınıstrliginiń Jer qoınaýyn paıdalaný departamenti: 1) osy buıryqty zańnamamen belgilengen tártipte Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkeýden keıin kúntizbelik on kún ishinde onyń kóshirmelerin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy buıryqtyń 2-tarmaǵynyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Investısııalar jáne damý jetekshilik etetin vıse-mınıstri júktelsin. 4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV «KELISILDI» Qazaqstan Respýblıkasynyń Aýyl sharýashylyǵy mınıstri ___________________ A.Mamytbekov 2015 jylǵy 28 sáýir «KELISILDI» Qazaqstan Respýblıkasynyń Ulttyq ekonomıka mınıstri ___________________ E.Dosaev 2015 jylǵy 16 mamyr «KELISILDI» Qazaqstan Respýblıkasynyń Energetıka mınıstri ___________________ V.Shkolnık 2015 jylǵy 22 mamyr Qazaqstan Respýblıkasy Investısııalar jáne damý mınıstriniń 2015 jylǵy 31 naýryzdaǵy №398 buıryǵymen bekitilgen Jer qoınaýyna memlekettik monıtorıngti júzege asyrý qaǵıdalary 1. Jalpy erejeler 1. Osy Qaǵıdalar «Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasy Zańynyń 19 - baby 9) tarmaqshasyna sáıkes ázirlengen jáne jer qoınaýyna memlekettik monıtorıngti júzege asyrý tártibin aıqyndaıdy. 2. Jer qoınaýynyń memlekettik monıtorıngi jer qoınaýynyń memlekettik qoryn utymdy paıdalanýdy qamtamasyz etý men olardyń ózgerýin ýaqtyly anyqtaý, keleńsiz úderister zardaptaryn baǵalaý, olardyń aldyn alý jáne joıý úshin jer qoınaýynyń jaı-kúıin baqylaý júıesi bolyp tabylady. 3. Qazaqstan Respýblıkasynyń jer qoınaýy jáne ondaǵy bolyp jatqan úderister jer qoınaýy memlekettik monıtorınginiń obektisi bolyp tabylady. 4. Jer qoınaýynyń memlekettik monıtorıngi qorshaǵan orta men tabıǵı resýrstar monıtorınginiń, onyń ishinde jer qoınaýynyń sapasy normatıvterin qadaǵalaý kezinde óndiristik monıtorıngtiń (áser etý monıtorıngi) biryńǵaı memlekettik júıesiniń quramdas bóligi bolyp tabylady. 5. Jer qoınaýynyń memlekettik monıtorıngi Qazaqstan Respýblıkasy qatysatyn jer qoınaýy men qorshaǵan ortanyń jahandyq halyqaralyq baǵdarlamasyna qosylady. 6. Jer qoınaýynyń memlekettik monıtorıngi taý-ken aýdandaryn, munaı-gaz provınsııalaryn, jerasty sýlarynyń basseınderin, paıdaly qazbalardyń, onyń ishinde jerasty sýlarynyń ken oryndaryn, sý keshenderi men kókjıekterdi, sý jibermeıtin qabattardy, geologııalyq úderister ótip jatqan geologııalyq denelerdi, geofızıkalyq, seısmıkalyq, gravıtasııalyq jáne basqa óristerdi, jer qoınaýyn paıdalaný jáne jerasty sýlarynyń sý paıdalaný ýchaskelerin, lastanǵan jer qoınaýyn, taý-ken qazbalaryn jáne sý jınaýdy qosa alǵanda, tabıǵı jáne tabıǵı-tehnogendik júıelerde ótkiziledi. 2. Jer qoınaýynyń memlekettik monıtorıngin júzege asyrý tártibi 7. Jer qoınaýynyń memlekettik monıtorıngi úsh deńgeıde júzege asyrylady: 1) jergilikti - jer qoınaýyn paıdalaný men sý paıdalaný ýchaskelerin, paıdaly qazbalar (karerler, shahtalar, uńǵymalar, sý jınaý qurylystary, kómý polıgondary, sý tómendetý qondyrǵylary) ken oryndaryn barlaý men óndirýdi, óndirýge jáne (nemese) barlaýǵa baılanysty emes jerasty qurylystaryn salýdy jáne (nemese) paıdalanýdy, jer qoınaýynyń lastanýyn, ýrbanızasııalanǵan aýmaqtardy, sýarý alqaptaryn qamtıtyn jekelegen tabıǵı-tehnogendik júıeler sheńberinde; 2) óńirlik - geologııa qurylymdyq, gıdrogeologııalyq, ınjenerlik-geologııalyq jáne basqa erekshelikter, ákimshilik, ekonomıkalyq, ekologııalyq jáne basqa shekaralar, jer qoınaýynyń jaı-kúıine áser etetin tabıǵı jáne tehnogendik faktorlar kesheni eskerile otyryp, jekelegen tabıǵı júıelerdiń aýmaǵynda; 3) respýblıkalyq - qajet kezinde jalpy memlekettik mańyzy bar iri óńirlerdi, sondaı-aq transshekaralyq jerasty sý obektilerin bóle otyryp, Qazaqstan Respýblıkasynyń búkil aýmaǵynda. 8. Jer qoınaýy memlekettik monıtorıngi qamtıdy: 1) jerasty sýlarynyń monıtorıngi; 2) qaýipti ekzogendik geologııalyq úderisterdiń monıtorıngi; 3) qaýipti endogendik geologııalyq úderisterdiń monıtorıngi; 4) kómirsýtegi ken oryndarynyń monıtorıngi; 5) qatty paıdaly qazbalar ken oryndarynyń monıtorıngi; 6) paıdaly qazbalardy óndirýmen jáne barlaýmen baılanysy joq maqsattarda paıdalanylatyn jer qoınaýy ýchaskileriniń monıtorıngi; 7) jer qoınaýyn paıdalanýmen baılanysy joq sharýashylyq qyzmettiń áserine ushyraıtyn jer qoınaýy ýchaskeleriniń monıtorıngi. 9. Jer qoınaýynyń memlekettik monıtorıngi: 1) memlekettik bıýdjet qarajaty esebinen qurylǵan, jer qoınaýynyń tabıǵı, sondaı-aq buzylǵan alańdarda ornalastyrylǵan memlekettik jelileriniń baqylaý pýnktteri men polıgondarynda; 2) geologııalyq jáne taý-kendi bólýdegi jer qoınaýyn zertteý men paıdalaný jónindegi ýákiletti organ (budan ári - ýákiletti organ) bergen jer qoınaýyn paıdalanýǵa arnalǵan kelisim-sharttyq talaptarǵa sáıkes jer qoınaýyn paıdalanýshylar, sondaı-aq arnaıy sý paıdalanýǵa arnalǵan ruqsattardyń sharttaryna sáıkes sý paıdalanýshylar qurǵan jeke menshik jelini baqylaý pýnktterinde júzege asyrylady. 10. Jer qoınaýynyń jaı-kúıin udaıy boljaýdy qosa alǵanda, derekterdi saqtaý jáne óńdeý úshin ýákiletti organnyń Jer qoınaýy týraly memlekettik derekter bankiniń avtomattandyrylǵan aqparattyq júıeleri (budan ári - avto­­mattandyrylǵan aqparattyq júıe) qoldanylady. Avtomattandyrylǵan aqparattyq júıede túrli deńgeıler arasyn­da, sondaı-aq «Qorshaǵan orta men tabıǵı resýrstar monıtorınginiń biryńǵaı memlekettik júıesi» aqparattyq júıe­si men tabıǵı resýrstar monıtorıngi» basqa júıeleriniń derekqorynyń arasynda aqparatty standarttalǵan túrde alma­sýdy qamtamasyz etetin aqparatty biryńǵaı ádistemelik negizde jınaqtaý, óńdeý jáne saqtaý júzege asyrylady. 11. «Jer qoınaýynyń jaı-kúıi týraly geologııalyq eseptilikti usyný nysanyn bekitý týraly» Qazaqstan Respýblıkasy Investısııalar jáne damý mınıstriniń (Normatıvtik quqyqtyq aktilerdi memlekettik tirkeýdiń tiziliminde 2015 jyly 29 sáýirde № 10833 tirkeldi) 2015 jylǵy 27 aqpandaǵy № 254 buıryǵymen bekitilgen úlgisi boıynsha, jer qoınaýyn paıdalanýshylar bastapqy esepke alý materıaldaryna negizdelgen jer qoınaýynyń jaı-kúıi týraly geologııalyq eseptilikti jartyjyldyq úshin aǵymdaǵy jyldyń 15 tamyzyna jáne bir jyl úshin esepti kezeńnen keıingi jyldyń 15 aqpanyna ýákiletti organǵa tapsyrady. 12. Jer qoınaýynyń memlekettik monıtorıngi koordınattar men bıiktikterdiń, jiktegishterdiń biryńǵaı júıesin, birlikterdiń, derekterdiń standartty formattarynyń, kórsetkishter kesheni men biryńǵaı normatıvtik-ádistemelik jáne tehnıkalyq baza júıesin paıdalanýǵa negizdelgen bastapqy ár tekti derekterdi salystyrý sharttary saqtala otyryp júrgiziledi. 13. Jer qoınaýynyń memlekettik monıtorıngin júrgizý kezinde alynatyn jer qoınaýynyń jaı-kúıi týraly aqparatty ýákiletti organ jyl saıyn aǵymdaǵy jylǵy birinshi toqsanda qorytylǵan túrde tabıǵat paıdalaný salasyndaǵy sheshimderdi qabyldaý kezinde qoldaný úshin Qazaqstan Respýblıkasynyń memlekettik organdaryna, oblystardyń, Astana jáne Almaty qalalarynyń ákimdikterine jiberedi. 14. Ýákiletti organ jer qoınaýynyń monıtorıngin júzege asyrý bóliginde mynalardy: 1) respýblıkalyq jáne óńirlik deńgeılerde jer qoınaýynyń memlekettik monıtorıngin júzege asyrýdy; 2) baqylaý pýnktteri men polıgondardy qurýdy, paıdalanýdy, ustaýdy, konservasııalaýdy jáne joıýdy, memlekettik jelini ońtaılandyrýdy, sondaı-aq taqyryptyq, ǵylymı-zertteý jáne tájirıbelik-konstrýktorlyq jumystardy, normatıvtik-tehnıkalyq qujattardyń ázirlenýin, jer qoınaýynyń memlekettik monıtorıngin qamtamasyz etý úshin geologııalyq jáne gıdrogeologııalyq, ınjenerlik-geologııalyq, geoekologııalyq jáne ózge de arnaıy kartalar jasaýdy qosa alǵanda, memlekettik baqylaý jelilerinde jer qoınaýynyń memlekettik monıtorıngin júrgizýdi; 3) baqylaý derekteri men nátıjelerin usynýdy; 4) Qazaqstan Respýblıkasynyń jer qoınaýy týraly memlekettik derekqoryn uıymdastyrýdy jáne júrgizýdi; 5) jer qoınaýynyń jaı-kúıi týraly derekterdi jınaýdy, olardy jınaqtap qorytýdy, onyń ózgerýin taldaýdy jáne boljaýdy, sondaı-aq usynymdardy ázirleý men belgilengen tártippen múddeli organdarǵa tıisti aqparatty tapsyrýdy qamtamasyz etedi. 15. Jer qoınaýynyń memlekettik monıtorıngin júrgizý máseleleri boıynsha ýákiletti organ óz quzyreti sheginde memlekettik organdarmen ózara is-qımyl jasaıdy. Buıryq Qazaqstan Respýblıkasynyń Ádilet mınıstrliginde 2015 jylǵy 1 shildedegi Normatıvtik quqyqtyq kesimderdi memlekettik tirkeýdiń tizilimine № 11519 bolyp engizildi.